KIEV – Ukraina godet një rafineri ruse 1 400 km larg territorit të saj

KIEV, 11 tetor /ATSH-ANSA/ – Ukrainasit kanë goditur përsëri thellë në territorin rus, duke sulmuar një rafineri nafte 1 400 km nga fronti ukrainas.

“Ky është sulmi i tretë i thellë nga SSU, 1 400 kilometra nga Ukraina’’, thekson ushtria ukrainase.

‘’Sulme të këtij lloji tregojnë se nuk ka vende të sigurta në zonat e pasme të Federatës Ruse. SSU mund të arrijë çdo objektiv në territorin armik që vepron kundër Ukrainës”, thekson ushtria ukrainase.   /os/