KIEV – Zelensky propozon takim me Putinin në SHBA

KIEV, 15 qershor /ATSH-AFP/ – Presidenti ukrainas, Volodymyr Zelensky propozoi të takohej me homologun e tij rus Vladimir Putin në Shtetet e Bashkuara gjatë një telefonate me Donald Trumpin, tha sot ai.

“Dje (të dielën), diskutuam me presidentin Trump mundësinë e mbajtjes së një takimi të tillë në Shtetet e Bashkuara, në një format që Putini do ta kishte shumë më të vështirë ta refuzonte,” tha Zelensky në një video-adresim të postuar në X.

“Do të shohim se çfarë do të thotë ai”, shtoi Zelensky.

Zelensky më parë ka propozuar një takim ballë për ballë me kundërshtarin e tij rus, por Kremlini po shqyrton vetëm një takim të tillë në Moskë – diçka që presidenti ukrainas nuk mund ta pranojë./ a.jor.