Kandidatët për deputetë në Kosovë me më së shumti vota deri më tani
PRISHTINË, 9 qershor/ATSH/ Vetëm dy ditë pas mbajtjes së zgjedhjeve të parakohshme parlamentare, në Kosovë kanë nisur të qartësohen edhe emrat e atyre që pritet të bëhen deputetë në legjislaturën e re të Kuvendit.
Procesi i numërimit të votave për kandidatët po vazhdon ende nga Komisioni Qendror i Zgjedhjeve, ndërsa deri tani janë përpunuar mbi çereku i votave të hedhura nëpër kuti.
Më poshtë paraqiten kandidatët që kanë siguruar mbështetjen më të madhe të votuesve në secilën prej katër partive kryesore politike shqiptare, pasi janë numëruar 30 për qind e votave.
Lëvizja Vetëvendosje
- Albin Kurti: 69.479 vota
- Glauk Konjufca: 54.541 vota
- Albulena Haxhiu: 31.331 vota
- Hekuran Murati: 27.525 vota
- Donika Gërvalla-Schwarz: 25.233 vota
Partia Demokratike e Kosovës
- Bedri Hamza: 33.402 vota
- Përparim Gruda: 21.228 vota
- Arian Tahiri: 18.456 vota
- Uran Ismaili: 16.499 vota
- Sala Jashari: 11.847 vota
Lidhja Demokratike e Kosovës:
- Vjosa Osmani Sadriu: 21.969 vota
- Lumir Abdixhiku: 19.949 vota
- Doarsa Kica Xhelili: 15.650 vota
- Hykmete Bajrami: 12.232 vota
- Avdullah Hoti: 10.997 vota
Aleanca për Ardhmërinë e Kosovës
- Ardian Gjini: 10.859 vota
- Ramush Haradinaj: 9.835 vota
- Daut Haradinaj: 7.474 vota
- Besnik Tahiri: 6.666 vota
- Bekë Berisha: 5.268 vota
Sipas rezultateve preliminare të KQZ-së, Lëvizja Vetëvendosje (LVV) e kryeministrit në detyrë, Albin Kurti, doli e para në zgjedhjet e 7 qershorit me 42.91 për qind të votave.
Pas saj renditen Partia Demokratike e Kosovës (PDK) me 21.08 për qind, Lidhja Demokratike e Kosovës (LDK) me 17.60 për qind, Aleanca për Ardhmërinë e Kosovës (AAK) me 7.17 për qind dhe Lista Serbe me 6.17 për qind.
Sipas të dhënave paraprake, LVV-ja do t’i ketë 48 vende në Kuvend, e ndjekur nga PDK-ja me 24, LDK-ja me 20, dhe AAK-ja me 8.