Karnavalet në Gjirokastër, maskat e kostumet shumëngjyrëshe gjallërojnë qytetin

Maskat dhe kostumet shumëngjyrëshe kanë pushtuar sot pazarin karakteristik të Gjirokastrës. Kjo është atmosfera që ka përcjellë qyteti i gurtë, ku fëmijët e kopshteve, dhe nxënësit e shkollave 9-vjeçare u bënë pjesë e organizimit të karnavaleve. 

Me veshjet e personazheve të tyre të preferuar të filmave vizatimorë dhe numrat artistikë të performuar nga vetë ata, i dhanë jetë qytetit në gurtë.

Është edicioni i gjashtë i karnavaleve që organizohet nga bashkia Gjirokastër në bashkëpunim me Zyrën Vendore Arsimore, që do të përfundojë të shtunën në mbrëmje me djegien e dordolecit në sheshin “Çerçiz Topulli”.

Gazetare: Y.Ponde   

/rtsh.al/