Kritik i ashpër për sigurinë ushqimore, Braçe: Nuk ha asnjë herë gjel, ja pse
Deputeti socialist Erion Braçe ishte i ftuari i parë dhe i fundit për vitin 2025 në emisionin Quo Vadis në Vizion Plus.
Gjatë bisedës me moderatoren Pranvera Borakaj, Braçe u ndal edhe te temat që e karakterizojnë prej vitesh, si siguria ushqimore. I pyetur nga moderatorja se ku e kishte blerë gjelin e detit këtë vit, ai u përgjigj me humor:
“Nuk ha gjel fare. Më vjen gjynah të ha gjel. Për më tepër, nga koha e gjatë në Lushnje, Divjakë e kështu me radhë, kam mësuar të hap perime, jo gjela.”
View this post on Instagram
Në vijim, Borakaj e cilësoi Braçen si të vetmin politikan që bën opozitë brenda pozitës dhe e pyeti nëse e kishte menduar ndonjëherë veten në situatën aktuale të Partisë Demokratike, duke iu referuar edhe largimit të Sali Berishës.
Braçe u përgjigj prerë se nuk e mendon një gjë të tillë:
“Jo. Unë kam respekt për të moshuarit. Kurrë nuk do t’ia zë vendin. Kështu që nuk ndodh kjo gjë. Nuk bëhet.”
View this post on Instagram
/vizionplus.tv