Kulla e Bajraktarit të Hotit, do të kthehet në Muze Historik
Në Hot të Malësisë së Madhe është organizuar ceremonia e inagurimit të kullës së Çun Mulës, kulla e Bajraktarit të Hotit.
Kulla është restauruar me një fond prej 440 mije dollarë me kontributin e diasporës shqiptare.
Ajo do të kthehet në muze historik, duke i shërbyer kujtesës kombëtare për historinë e Malësisë së Madhe.
Qindra banore nga dy anët e kufirit ishin të pranishem gjatë aktivitetit të organizuar nga shoqatat në Michigan dhe Malësi e Madhe.
Çun Mula (1818-1896) ka qenë bajraktar i bajrakut të Hotit. Familja e tij, Lucgjonaj, zbriti nga familja Junçaj e Hotit. Sipas Kodit të Lekë Dukagjinit, familja Çun Mula u vunë në krye të fiseve nga Malësia, duke i udhëhequr ata me guxim dhe besnikëri në luftërat e shumta kundër forcave serbo-malazezëve dhe forcave osmane, pas vendimeve të Kongresit të Berlinit për të dorëzuar rajonet shqiptare si Hoti, Gruda, Plava , Gucia, Kastrati, etj në Principatën e Malit të Zi.
Kur Princ Nikolla I i Malit të Zi hyri në territorin i cili i ishte caktuar atij nga Kongresi i Berlinit, Mula dhe shefat tjerë nga Malësia organizuan një rezistencë kundër Malit të Zi. Malësorët e veriut shqiptar mundën malazezët në Betejën e Nokshiqit. Në poezinë epike shqiptare Çun Mula është konsideruar si luftëtar malësor.
Gazetar Luan Kadija
/ rtsh.al /