“La Moderna” – Seriali spanjoll që do t’ju rrëmbejë vjen në RTSH 1
RTSH 1 sjell për herë të parë për publikun shqiptar serialin spanjoll “La Moderna”, një prodhim që ka tërhequr miliona shikues në ekranet europiane. Transmetimi i këtij seriali do të nisë nga dita e hënë dhe do të vazhdojë çdo ditë, nga e hëna në të premte, në orarin 19:00 – 20:00.
“La Moderna” është një dramë historike e vendosur në Madridin e viteve ’30, një periudhë ndryshimesh të mëdha shoqërore dhe kulturore në Spanjë. Seriali ndjek historinë e Matildës, një vajzë e re që punon në një kafene të njohur në qendër të qytetit, ndërsa përpiqet të gjejë vendin e saj në një shoqëri konservatore dhe të dominuar nga burrat.
Përmes rrëfimeve të ndërlikuara të dashurisë, miqësive të ndaluara dhe ambicieve të mëdha, “La Moderna” trajton tema universale si fuqizimi i gruas, ndryshimi social dhe lufta për drejtësi në një botë që nuk fal. Seriali shquhet për kostumografinë e detajuar, skenografinë autentike dhe interpretimet brilante të aktorëve, duke sjellë një tablo të gjallë të një epoke të paharrueshme.
Transmetimi i “La Moderna” në RTSH vjen si pjesë e angazhimit të Radio Televizionit Shqiptar për t’i ofruar publikut shqiptar seriale të cilësisë së lartë, me përmbajtje që frymëzon dhe përfaqëson vlerat kulturore europiane.
Mos e humbisni! Çdo mbrëmje, nga e hëna deri të premten, në orën 19:00, vetëm në RTSH 1!
View this post on Instagram
/RTSH/