Lazio thyen Milanin, Isaksen godet kuqezinjtë dhe shpresat e tyre për titull

Lazio fitoi 1-0 në raundin e 29-të të Serie A kundër Milanit në Olimpico, ku bardhekaltërit iu afruan ndeshjes me shumë zgjuarsi. Të nxitur nga tifozët vendas (që u rikthyen në tribuna për këtë ndeshje), skuadra e Sarrit u përpoq që në fillim të trembte mbrojtjen e Milanit.

Sfida u zhbllokua në minutën e 26-të, Isaksen fitoi duelin me Estupinan dhe mundi Maignan me një gjuajtje në shtyllën e largët. Maldini më pas humbi një shans për të dyfishuar epërsinë në kundërsulm në minutën e 36-të. Në minutat në vazhdim rastet nuk munguan, por rezultati mbeti i pandryshuar.

Lazio më pas arriti të mbante epërsinë 1-0 deri në fishkëllimën e fundit, duke u rritur në 40 pikë me fitoren e dytë radhazi. Një mbrëmje e hidhur për Milanin: kuqezinjtë mbetën në 60 pikë, duke rënë tetë pikë pas liderëve të ligës, Interit, dhe duke parë Napolin t’i afrohej atyre, vetëm një pikë prapa.