MESAZHET/ ‘Kemi 36 orë pa bukë’, numëruesit e PD ankohen, kandidati i Elbasanit: Po ju sjell byrekë…

Që prej mbrëmjes të së dielës në vendin tonë është duke u vijuar me procesin e numërimit të votimit.

Në çdo KZAZ numëruesit e vëzhguesit të partive përkatëse po ndjekin me rigorozitet këtë proces duke numëruar e mbrojtur çdo votë të shqiptarë të hedhur në qendrat e votimit më 11 Maj.

E teksa numërimi për votat e partive ka përfunduar në rang vendi, procesi po vijon për kandidatët.

Por, me kalimin e ditëve dhe orëve të tej zgjatura të punës, numëruesit e votave po shfaqin jo vetëm shenja lodhje, por edhe uri për shkak të lënies pa bukë nga përfaqësuesit e tyre.

Nga disa mesazhe të publikuara nga JOQ, numëruesit po i ankohen anëtarëve të kryesisë së Elbasanit se kanë 36 orë punë dhe janë pa bukë e ujë.

E pas këtyre ankesave, demokratët janë treguar “zemër gjerë”, duke u sjellë një koli me ujë dhe 20 molto, ndërsa deputeti Aurel Bylykbashi thuhet se u ka sjellë nga dy byrekë secilit prej numëruesve.