Mbërrin te Trauma policia i plagosur në Shkodër/ U qëllua me gur në kokë nga protestuesit, mjekja: Gjendja stabël

Ka mbërritur në Spitalin e Traumës, oficeri i Policisë së Shkodrës, Fasli Rama. Ai u transportua në gjendje të rënda nga Shkodra pasi u godit me gurë në kokë nga disa protestues.

Gazetarja Xhoana Çollaku raporton se sipas mjekëve është në gjendje të rëndë, por, me parametra jetësor stabël.

Fasli Rama është një prej punonjësve me më shumë vite shërbimi në Policinë e Shkodrës. Pas pak ditësh, ai pritej të dilte në pension, por u plagos rëndë gjatë përballjes me protestuesit.