Mbyllja e Ngushticës së Hormuzit-Guterres paralajmëron përkeqësimin e ndikimit ekonomik

Shefi i Organizatës së Kombeve të Bashkuara, Antonio Guterres, ka ngritur alarmin për ndikimin gjithnjë e më të rëndë ekonomik global të mbylljes efektive të Ngushticës së Hormuzit për shkak të luftës në Iran.

“Mbyllja e kësaj rruge ujore jetike po mbyt ekonominë globale”, paralajmëroi sekretari i përgjithshëm në deklaratat e tij për shtyp.

“Edhe nëse kufizimet hiqen sot, zinxhirët e furnizimit do të duan muaj për t’u rikuperuar, duke zgjatur uljen e prodhimit ekonomik dhe çmimet e larta”, tha ai.

Ngushtica e Hormuzit është një nga arteriet më të rëndësishme të transportit të naftës në botë.

Mbyllja e saj ka shkaktuar shqetësim të madh ndërkombëtar për furnizimet energjetike dhe inflacionin global.

/rtsh.al/