Mot i kthjellët dhe rënie e temperaturave

TIRANË, 19 janar /ATSH/ Ditën e sotme vendi ynë do të ndikohet nga kushte atmosferike të qëndrueshme.

Sipas Shërbimit Meteorologjik Ushtarak, moti parashikohet i kthjellët në pjesën më të madhe të territorit, ndërsa priten vranësira të pakta deri mesatare kryesisht në lindje e jug të vendit.

Era do të fryjë me drejtim verilindje-lindje, me shpejtësi mesatare 8 m/s, përgjatë vijës bregdetare në veri dhe zonat luginore era do të fitojë shpejtësi deri në 16 m/s.

Valëzimi në dete do të jetë i forcës 2-3 ballë.

1 nga 2