Moti- Kushte të qëndrueshme atmosferike dhe kthjellime në të gjithë vendin

Sipas parashikimit të Shërbimit Meteorologjik Ushtarak (SHMU), ditën e premte vendi ynë do të ndikohet nga kushte atmosferike të qëndrueshme.

Moti parashikohet kryesisht i kthjellët në të gjithë territorin, ndërsa gjatë orëve të mesditës pritet të ketë vranësira të pakta kalimtare.

Era do të fryjë me drejtim kryesor nga veriperëndimi, me shpejtësi mesatare rreth 7 m/s.

Në detet Adriatik dhe Jon valëzimi parashikohet i forcës 1–2 ballë, duke krijuar kushte të favorshme për lundrim.

/rtsh.al/