Ndeshjet e Premier League/ Arsenal dhe Manchester kërkojnë vazhdimësi

Premier League rikthehet me një tjetër javë emocionuese, ku skuadrat kryesuese synojnë të ruajnë ritmin, ndërsa gara për zonën e sipërme të tabelës mbetet e hapur.

Arsenal po kalon një moment të shkëlqyer, me mbrojtjen më të mirë në Europë, ndërsa Manchester City vazhdon të jetë një kundërshtar i fortë, edhe pse vëmendja e klubit është shpërqendruar pjesërisht nga problemet financiare.

Skuadrat angleze vijnë pas rezultateve pozitive të disa prej përfaqësueseve të tyre në Champions League. Manchester United ka marrë një tjetër shtysë pas ringritjes së fundit, ndërsa Aston Villa dhe Liverpool kanë pësuar humbje të dhimbshme.

Në letër, kjo javë nuk pritet të sjellë ndryshime të mëdha në ekuilibrat e kampionatit. Arsenal duket favorit ndaj Hull, ndërsa Manchester City pritet të ketë një provë të kalueshme përballë Nottingham Forest, që nuk po kalon një periudhë të mirë.

Në fokus do të jetë edhe Brighton, surpriza e këtij sezoni, që synon të forcojë pozitat në vendin e tretë. Skuadra ka arritur të mposhtë dy ekipet e para dhe këtë herë do të presë Brentfordin. Edhe Chelsea dhe Liverpool kanë përballje ku synojnë pikët e plota, respektivisht ndaj Sunderland dhe Crystal Palace.

Një tjetër sfidë interesante është ajo mes Leeds dhe Tottenham. Skuadra e drejtuar nga Roberto De Zerbi kërkon fitoren e katërt radhazi, për të vijuar ngjitjen në renditje.

Megjithatë, ndeshja më e ekuilibruar e javës pritet të jetë ajo mes Manchester United dhe Aston Villa. Pas frymëmarrjes që mori në Champions League, United duhet të konfirmojë formën e mirë edhe në kampionat, ndërsa një rezultat pozitiv do të ishte i rëndësishëm edhe për të ardhmen e trajnerit Michael Carrick, pozitat e të cilit përshkruhen si të lëkundura.

Programi i ndeshjeve:

E shtunë

13:30 – Leeds-Tottenham

16:00 – Arsenal-Hull

16:00 – Fulham-Newcastle

18:30 – Nottingham Forest-Manchester City

E diel

15:00 – Brighton-Brentford

15:00 – Crystal Palace-Liverpool

15:00 – Sunderland-Chelsea

17:30 – Manchester United-Aston Villa