Në dorëzimin e mandatit si ministër i Brendshëm, Balla: U mundova të krijoja një frymë skuadre me të gjithë
Ministri i Shtetit për Marrëdhëniet me Parlamentin, Taulant Balla, në një postim në rrjetet sociale falenderon të gjithë bashkëpuntorët e tij në Ministrinë Brendshme, të cilën e drejtoi nga korriku i vitit 2023 deri më sot.
Përmes një videoje, Balla ka një mesazh me me rastin e dorëzimit të detyrës.
“Ishte një nder i madh për mua të shërbeja si Ministër i Brendshëm, ku si gjithnjë u mundova të krijoja një frymë skuadre me të gjithë, në përpjekjet e përditshme për të përmbushur objektivat në këtë sektor sfidues. I qëndrova binjdes dhe standartit se unë si Ministër i Brendshëm, kisha nderin për t’i udhëhequr, duke dëgjuar dhe mbështetur, duke mësuar prej tyre dhe duke zbtritur në çdo nivel të veprimtarisë së kësaj ministrie, në çdo zyrë e komisariat nga Vermoshi në Konispol
Shtrëngova duart me një pjesë të madhe të efektivëve dhe i kam dëgjuar më vëmendje hallet dhe ankesat e tyre. Rritja e pagës brenda mundësive të buxhetit të shtetit, pagesa e ushqimit, orëve shtesë dhe kreditë e buta për banim, mendoj se ishin hapat e duhur drejt një trajtimi sa më të mirë financiar të punonjësve të Policisë së Shtetit, Gardës së Republikës, AMP dhe Shërbimit Zjarrfikës dhe Shpëtimit”, tha Balla.
“I qendrova angazhimit të ditës së parë për ti dhënë secilit dhe secilës, mundësinë për të shpalosur mundësitë e veta për të bërë sëbashku më të mirën. Jam krenar që ligji i ri i Policisë së Shtetit, i miratuar javën e shkuar, do t’i hapi rrugën karrierës së bazuar në rezultate, meritë, ndershmëri dhe përkushtim. Do të vlerësojë siç duhet uniformën e respektuar të Policit të Shtetit Shqiptarë. Sa i përket reformave legjislative, kemi bërë një hap të madh me ligjin e ri për sistemin e ri të adresave. Finalizuam ligjin për zyrën e rekuperimit të aseteve të konfiskuara..etj”, shtoi Balla.
Ai tha se rezultatet e arritura në 380 ditë nuk munguan në shumë prej fushave të përgjegjësisë së Ministrit të Brendshëm.
“Mund të kishin qenë edhe më të mira. Natyrisht, rezultatet më të dukshme janë ato që lidhen me rendin dhe sigurinë publike. Kjo matur edhe nga sondazhet publike”, thekson Balla.
“Më vjen mirë që prindërit, gjyshërit, mësuesit, por vetë edhe nxënëësit mbështetën paketën e sigurisë në shkolla dhe rezultatet e operacioneve “Tempulli”, “territor i pastër”, “sundimi i ligjit”, që dhanë rezultatet e tyre në luftën dnaj krimit, drogave..etj.
Forcuam bashëkpunimin me Interpol, Europol, Eurojust, me policitë e vendeve partnere. Sa shumë persona me hesape të hapura me drejtësi u gjetën. Janë në proces apo u ekstraduan, provë kjo e revanshit të pakthyeshëm kundër pandëshkueshmërisë”, tha Balla.