“Nesër më shumë”/ Dita e dhjetë e tubimit madhështor në Tiranë! Protestuesit kërkojnë dorëheqjen e Ramës! Thirrje për Diasporën: Bashkohuni më 10 qershor

Marshimi që nisi te sheshi “Skënderbej”, në orën 18:00 vijon ende edhe pas rreth 5 orësh.

Tiranë prej 10 ditësh ndodhet “nën pushtetin” e protestuesve. Shqiptarët kërkojnë dorëheqjen e kryeministrit Edi Rama.

Tubime janë organizuar edhe në shtete të tjerë ku jetojnë shqiptarët, të cilët i janë bashkuar kësaj proteste që mori zë në Tiranë. Duhet ritheksuar se protesta e organizuar në Tiranë, jehoi edhe jashtë kufijve. Ndërsa nesër më 10 qershor është bërë thirrjet që tubimit t’i bashkohet edhe Diaspora.

Me thirrjet “Revolucion”, “Shqipëri e Re”, Edi Rama në burg Berisha në burg”, qytetarët kërkojnë largimin e kësaj qeverie dhe theksojnë se nuk do të dorëzohen deri në dorëheqjen e Ramës.