Netanyahu: Izraeli do të mbetet në Liban për aq kohë sa të jetë e nevojshme

Kryeministri i Izraelit, Benjamin Netanyahu, deklaroi se vendi i tij do të vazhdojë të mbajë praninë në “zonën mbrojtëse” në Liban për aq kohë sa të jetë e nevojshme.

Në një konferencë për shtyp, Netanyahu theksoi se Izraeli do të ruajë lirinë e veprimit për të parandaluar sulme që, sipas tij, vijnë nga territori libanez.

Ai shtoi gjithashtu se marrëdhëniet me Shtetet e Bashkuara mbeten të forta, duke thënë se ai dhe presidenti amerikan Donald Trump “ndonjëherë nuk bien dakord, por janë partnerë dhe shpesh pajtohen”.

Deklaratat e tij vijnë në një moment tensionesh politike dhe diplomatike në rajon, pas raportimeve për një marrëveshje fillestare mes SHBA-së dhe Iranit, e cila ka shkaktuar reagime të forta në skenën politike izraelite.