Nga karta e rezidentit tek rezervimet me pagesë, lançohet Tirana Parking App

“Tirana Parking” ka lançuar aplikacionin e saj zyrtar, si një mënyrë e ofrimit të shërbimeve të parkimit publik në kryeqytet.

Përmes këtij aplikacioni, qytetarët e Tiranës do të mund të marrin katër shërbime kryesore:

–Aplikojnë online për kartën e rezidentit;

–Aplikojnë për parkimet e rezervuara me pagesë;

–Aplikojnë dhe rinovojnë abonimet në sheshparkime;

–Ndjekin statusin e aplikimeve dhe të kërkesave të tyre;

Kjo platformë do të garantojë siguri për menaxhimin e të dhënave në përputhje me standardet bashkëkohore të administrimit publik.

Transparenca, reduktimi i procedurave fizike dhe përmirësimi i përvojës së qytetarëve në ndërveprimin me shërbimet publike, janë ndër elementët kryesorë të “Tirana Parking”.