Opozita 90 minuta protestë në Tiranë, mbi 1500 efektivë policie në terren, përfundon pa incidente

Më shumë se 1500 efektivë të Policisë së Shtetit u angazhuan nga policia e Tiranës për të menaxhuar protestën e opozitës.

Ata u vendosën kordon rreth gjithë perimetrit të Parlamentit ndërsa u ndihmuan edhe nga rrethimet metalike.

Plani i masave nisi të zbatohej që prej orës 08:00 të mëngjesit ndërsa disa akse rrugore u bllokuan për qarkullimin e automjeteve që mbrëmjen e së mërkurës.

Masat e marra bënë që deputetët e mazhorancës të vinin në Parlament që në orë 08:00, dy orë përpara se të niste protesta, ndërsa deputetët e opozitës u futën për në Parlament nga hyrja kryesore.

Në 1 orë e gjysmë protestë, pati vetëm disa episode të hedhjes ndaj efektivëve të sprajt, nga disa protestues, si dhe largimin prej tyre të barrierave metalike të vendosura nga Policia.

Gazetare: F. Tota

/rtsh.al/