Pakistani dhe Kina plan të përbashkët për t’i dhënë fund luftës në Iran, Trump: Bisedimet po ecin

Pakistani dhe Kina kanë bërë të ditur një plan të përbashkët për t’i dhënë fund luftës në Iran, ndërsa mësohet se Shtëpia e Bardhë nuk e kundërshton.

Sipas raportimeve të fundit, ministri i Jashtëm i Pakistanit, Ishaq Dar, u takua sot në Pekin me homologun kinez Wang Yi.

Pas takimit, të dy vendet adresuan një iniciativë të përbashkët me një plan 5-pikësh për deeskalim dhe paqe në Lindjen e Mesme, veçanërisht për luftën që përfshin Iranin, SHBA-në dhe Izraelin.

Pikat kryesore të planit përfshijnë armëpushim i menjëhershëm, fillimi i shpejtë i bisedimeve të paqes midis palëve, mbrojtja e civilëve, infrastrukturës jo-ushtarake dhe siguriae anijeve.

Sigurimi i lundrimit normal në Ngushticën e Hormuzit (ngushtica strategjike për naftën dhe gazin, ku ka pasur ndërprerje serioze për shkak të luftës).

Një marrëveshje paqeje e mbështetur nga OKB-ja, duke respektuar sovranitetin dhe integritetin territorial të Iranit dhe vendeve të Gjirit.

Kina ka shprehur mbështetje të plotë për rolin e Pakistanit si ndërmjetës (Pakistan ka oferta për të pritur bisedime direkte ose indirekte SHBA-Iran) dhe të dy vendet ranë dakord të forcojnë koordinimin strategjik për paqen.

Kina thekson se bisedimet do të ndihmonin në rivendosjen e trafikut normal në Hormuz, që është jetik për tregtinë globale të energjisë.

Ndërkaq, presidenti Donald Trump, në një intervistë për kanalin izraelit “Channel 12” nuk e mohoi njohjen me planin dhe tha se “bisedimet për t’i dhënë fund luftës po përparojnë”.

/rtsh.al/