Policia Rrugore në terren, 6 mijë gjoba për 72 orë, bllokohen 13 automjete
Policia Rrugore e Tiranës ka intensifikuar kontrollet me qëllim përmbushejn e parametrave të sigurisë rrugore.
Plani i Posaçëm i masave po monitorohet nga shefi i Komisariatit të Policisë Rrugore.
Plani konsiston në monitorimin me pajisje inteligjente dhe në praninë e shtuar të shërbimeve të Policisë Rrugore, me objektiv kryerjen e kontrolleve për:
- drejtuesit e motomjeteve, për vënien e kaskës mbrojtëse
- drejtuesit e mjeteve, për:
- dhënien përparësi këmbësorëve, në vija të bardha
- mospërdorimin e celularit, gjatë drejtimit të mjetit
- vënien e rripit te sigurimit
- mosdrejtimin e mjetit, në efektin e alkoolit/në gjendje të dehur
- respektimin e limiteve të shpejtësisë
- moderimin e shpejtësisë në zona të banuara
- parandalimin e parakalimeve të gabuara
- konstatimin e parkimeve të gabuara që pengojnë qarkullimin.
Gjatë 72 orëve të fundit:
- janë arrestuar/proceduar penalisht 14 drejtues mjetesh, për shkelje të rregullave të qarkullimit rrugor;
- janë bllokuar 13 automjete;
- janë vënë rreth 6000 masa administrative.
Shefi i Komisariatit të Policisë Rrugore Drejtues Lorenc Shehu, apel qytetarëve për respektim maksimal të rregullave të qarkullimit rrugor, si e vetmja mënyrë për të kontribuar në përmbushjen e parametrave të sigurisë rrugore dhe për të parandaluar aksidentet me pasoja për jetën dhe shëndetin.
Kontrollet vijojnë në të gjithë territorin e kryeqytetit./vizionplus.tv