Presidenti Topi njofton se do të mbledhë menjëherë pas kapërcimit të fazës së emergjencës, Këshillin e Sigurisë Kombëtare.

15 mars 2008

Presidenti i Republikës, Bamir Topi pas vizitës së sotme të të plagosurve të shumtë në Spitalin Ushtarak, njoftoi se do të mbledhë menjëherë pas kapërcimit të fazës së emergjencës Këshillin e Sigurisë Kombëtare për të shqyrtuar situatën tejet të rëndë, për të analizuar shkaqet e kësaj ngjarjeje të jashtëzakonshme, për të përballuar pasojat, për të marrë masat, si dhe për të parandaluar situata të tilla në të ardhmen.