Progres Raporti/ Rama: Momenti optimal. Dera e BE është e hapur! Historia s’do na e falte mbytjen në lugën e ujit të pistë të dasive

schedule14:24 - 4 Nëntor, 2026

Një moment optimal, dhe një moment krenaria e ka konsideruar kryeministri Edi Rama progress raportin e KE për Shqipërinë. Në një reagim në X, Rama shkruan se dera e BE është e hapur dhe se mundësia e hyrjes është më reale se kurrë.

“Doli Raporti Vjetor i Progresit. Shqipëria vlerësohet më lart se sa asnjëherë më parë. Një tjetër moment krenarie për Shqipërinë Europiane. Një tjetër dëftesë notash domethënëse dhe inkurajuese nga Komisioni Europian.

Një tjetër hap përpara drejt objektivit historik të bashkimit me Europën. Por detyrat përpara nesh janë ende të shumta, kurse koha e kalendarit të ngjeshur të negociatave gjithnjë e më e ngushtë.

Dhe ky vlerësim nuk i bën as më të vogla, as më pak aktuale problematikat e jetës së përditshme të vendit, të cilat kanë pasur, kanë dhe do të kenë të gjithë vëmendjen time, të qeverisë, të shumicës parlamentare. Përkundrazi, vlerësimi i lartë i raportit të sotëm na motivon për të bërë ende më shumë dhe për t’i bërë gjërat ende më mirë.

Momenti është optimal. Dera e BE është e hapur dhe mundësia e hyrjes është më reale se kurrë. Historia nuk do të na e falte kurrësesi mbytjen në lugën e ujit të pistë të dasive, mllefeve e gjelozive që e kanë penguar vazhdimisht Shqipërinë të ngrihet në lartësinë e potencialit të saj”, shkruan Rama.

Mos rri jashtë: bashkohu me ABC News. Ne jemi kudo!