Publikohet video nga aksidenti tragjik në Vlorë, momenti kur makina e 24-vjeçarit del nga rruga

Janë publikuar pamje nga aksidenti i rëndë që u regjistrua në orët e para të ditës së sotme në Vlorë, në aksin rrugor në drejtim të fshatit Akërni, ku humbi jetën një i ri.

Në videon e publikuar duket momenti kur makina e 24-vjeçarit del nga rruga, teksa nga shpejtësia është ngritur në ajër.

Sipas të dhënave nga policia, makina  është përplasur me barrierat mbrojtëse anësore të rrugës në vendin e quajtur mbikalimi i Novoselës. Ndërkohë që i riu u gjet pa jetë rreth 30 metra larg pikës së përplasjes.

Autoritetet po kryejnë veprimet hetimore për zbardhjen e plotë të rrethanave të aksidentit.

/rtsh.al/