Tenis/ Coco Gauff denoncon racizmin dhe kërcënimet me vdekje pas setit fotografik

Coco Gauff ka denoncuar për të disatën herë valën e abuzimit online dhe komenteve raciste që ka marrë pas publikimit të një seti fotografik për një brand mode. Kjo situatë e ka shtyrë tenisten amerikane të braktisë sërish platformën X.

Sportistja 22-vjeçare, që vjen pas finales së humbur të Miami kundër Arina Sabalenka, ka shprehur trishtim të thellë në lidhje me urrejtjen që ka parë ndaj look-ut të saj natyral. Gauff ka pohuar se tenisi profesionist po goditet nga një fenomen sistematik mesazhesh fyese dhe kërcënimesh me vdekje, që shkojnë deri te familjarët dhe miqtë e saj.

“U ktheva pas një muaji mungesë dhe menjëherë u kujtova pse nuk duhet të jem këtu”, – ka deklaruar fituesja e dy turneve Slam.