Ra nga skena gjatë spektaklit, Miss Xhamajka ende në gjendje të rëndë shëndetësore

Miss Xhamajka, Gabrielle Henry, ndodhet në spital ende pasi ra nga skena në raundin paraprak të Miss Universe. Incidenti ndodhi më 19 nëntor. Organizata e Miss Universe Xhamajka ka ndarë një përditësim me People se motra e saj, Dr. Phylicia Henry-Samuels, është atje me të në Tajlandë.

Samuels u citua të thoshte në deklaratën e saj: “Gabby nuk është aq mirë sa do të kishim shpresuar, por spitali vazhdon ta trajtojë atë në përputhje me rrethanat.”

“Për shkak të gjendjes së saj, personeli mjekësor ka përcaktuar që Henry do të duhet të qëndrojë në njësinë e kujdesit intensiv (ICU), mjekët vazhdojnë monitorimin e tyre të ngushtë dhe kujdesin e specializuar”.