Rama: Kanali i Parlamentit në RTSH të kthehet në një kanal të Kuvendit

TIRANË, 16 janar/ATSH/ Kryeministri Edi Rama, njëherësh kryetar i Partisë Socialiste, theksoi sot rëndësinë e futjes së teknologjisë në funksionimin e Kuvendit.

“Duhet të ecim me shumë vendosmëri në futjen sa më thellë të teknologjisë në punën e Kuvendit”, u shpreh ai, duke shtuar se është i domosdoshëm përparimi në këtë drejtim.

Rama propozoi që kanali i Parlamentit në RTSH të kthehet në një kanal të Kuvendit, jo vetëm për të transmetuar në mënyrë të drejtpërdrejtë seancat apo komisionet, por për të pasqyruar më gjerësisht aktivitetin parlamentar.

“Vendet e tjera e kanë një kanal parlamentar, duhet ta kemi edhe ne dhe ai duhet të jetë nën kujdesin e Kuvendit, duke ftuar edhe përfaqësues të opozitës, si Agron Gjekmarkaj”, tha Rama, gjatë mbledhjes së grupit parlamentar socialist.

/r.e/