Rama në konferencë me Macron: Marrëdhëniet me Francën në një fazë të re

Kryeministria –Rama në konferencë me Macron; gjatë fjalës së tij kryeministri u shpreh se tashmë marrëdhëniet mes dy vendeve janë në një fazë të re.

“Është nder që në një kohë kaq të shkurtër presidenti i Francës viziton Shqipërinë. Kjo na jep shumë krenari dhe mirënjohje për këtë shtysë të fortë nga ana e Republikës së Francëz në marrëdhënie me Shqipërinë që kanë hyrë në një fazë të re dhe të panjohur më parë. Kemi bërë një bilanc të punëve të realizuara. Më vjen mirë që falë bashkëpunimit kemi krijuar rrugën për të sjellë ekselencën franceze në Shqipëri”, tha ai.

Kryeministri Edi Rama bashkë me Presidentin e Republikës Franceze, Emmanuel Macron nënshkruajnë Memorandumin e mirëkuptimit ndërmjet Ministrisë së Turizmit dhe Mjedisit dhe Agjencisë Franceze për Zhvillim. Memorandum i cili përfshin krijimin e një projekti gjithëpërfshirës për turizmin e qëndrueshëm në rajonin e Korçës.