Reali e dërgon Granadan në Segunda me një “poker”

Rrugëtimi i Real Madridit drejt finales së Ligës së Kampionëve ka nisur tashmë. Blancos mundën 4-0 Granadën, e cila ka firmosur rënien nga kategoria pas suksesit të Mallorca-s. Skuadra e Ancelottit e mbylli pjesën e parë me rezultatin 2-0 me dy gola në 9 minuta: në minutën e 38-të Garcia i dha epërsinë Blancos, ndërsa para pushimit golashënuesi i 1-0 mori rolin e asistentit dhe i dha Arda Güler mundësinë për të firmosur 2-0.

Në pjesën e dytë në skenë u ngjit Brahim Diaz, i cili realizoi dopietë. Goli i parë është një përshpejtim i bujshëm në mesfushë, i përfunduar me një gjuajtje me këmbën e djathtë, ndërsa pokeri mbërriti me një veprim të një sulmuesi të pastër, pas një asistimi nga e djathta nga Modric.

Mbyllet 4-0 dhe Reali vazhdon të marrë rezultate dhe pikë ndërsa pret finalen e Ligës së Kampioneve me Dortmundin më 1 qershor. Nga ana tjetër, Granada ishte e dënuar edhe para se të dilte në fushë: do të luajë tre ndeshjet e fundit në La Liga, më pas do të rifillojë nga një kategori më poshtë.