Reshje të dendura shiu, Veliaj apel qytetarëve: Shmangni lëvizjet e panevojshme

TIRANË, 22 nëntor/ATSH/ Kryetari i bashkisë, Erion Veliaj i bëri apel mbrëmjen e sotme qytetarëve për kujdes teksa kryeqyteti është përfshirë nga reshje të dendura të shiut.

Veliaj u ka kërkuar të shmangin lëvizjet e panevojshme, ndërsa shprehet se për çdo problematikë të raportojnë tek aplikacioni “Tirana Ime” ose të telefonojnë në numrin 112.

“Kur jemi bashkë i kalojmë të gjitha vështirësitë! Faleminderit qytetarëve për bashkëpunimin dhe punëtorëve të qytetit për angazhimin në çdo problematikë. Ju lutem ulni lëvizjet e panevojshme , tregoni kujdes dhe raportoni çdo problematikë në aplikacionin “Tirana ime” ose telefononi 112”, theksoi kryebashkiaku Veliaj.

/k.s/