Reshjet e borës mbulojnë veriun e vendit/ Në Pukë e Fushë Arrëz trashësia arrin në 25 centimetra
Reshjet e dendura të dëborës kanë mbuluar zonat e Pukës dhe Fushë Arrëzit, duke arritur trashësi deri në 25 centimetra.
Bashkia e Pukës dhe Shërbimi i Emergjencave Civile po punojnë intensivisht për të mbajtur rrugët të hapura dhe për të kriposur akset kryesore. Drejtuesit e automjeteve këshillohen të pajisen me goma dimërore dhe zinxhirë, nënvizon Demir Hyseni, Drejtor i Emergjencave Civile në Bashkinë Pukë.