Rikthehen moti i keq në juglindje të vendit, bora zbardh Boboshticën dhe Dardhën! Ja si paraqitet gjendja e rrugëve

Rikthehet moti i keq me temperatura të ulëta dhe reshje të dëborës në juglindje të vendit.

Gjatë orëve të natës janë regjistruar reshje bore me intensitet të ulët në segmentet rrugore Korçë-Boboshticë-Dardhë.

Autoritetet rrugore kanë ndërhyrë menjëherë, duke kryer pastrimin dhe kriposjen e aksit për të garantuar sigurinë e përdoruesve të rrugës.

Aktualisht, qarkullimi i mjeteve vijon normalisht, pa probleme apo bllokime dhe po monitorohet për në vazhdim.