Rritet numri i tatimpaguesve për tatimin në burim, 2138 më shumë në gjashtëmujorin e parë 2025
TIRANË, 20 gusht /ATSH/ Drejtoria e Përgjithshme e Tatimeve njofton se në gjashtëmujorin e parë të vitit 2025 janë regjistruar 2138 tatimpagues më shumë për tatimin në burim, krahasuar me të njëjtën periudhë të vitit 2024.
Sipas DPT-së, ky rezultat reflekton si përmirësimin e procesit të formalizimit të ekonomisë dhe forcimin e bashkëpunimit midis administratës tatimore dhe sipërmarrjes, ashtu edhe rritjen e ndërgjegjësimit të bizneseve për përmbushjen e detyrimeve tatimore.
Tatimi në Burim është një element i rëndësishëm i sistemit tatimor që garanton mbledhjen e të ardhurave në mënyrë të drejtë dhe transparente, duke kontribuar në një ekonomi më të rregullt dhe të qëndrueshme.
Kategoritë e të ardhurave për të cilat mbahet Tatimi në Burim janë: dividenti, honoraret, jorezidentët, lojërat e fatit, qiratë.
/a.f//r.e/