SHBA në kontakt me 500 qytetarë amerikanë, gati për t’i evakuuar nga Izraeli

Një zyrtar i Departamentit të Shtetit ka bërë të ditur se departamenti është në kontakt të drejtpërdrejtë me gati 500 qytetarë amerikanë për t’i ndihmuar ata të evakuohen nga Izraeli.

“Qindra qytetarë amerikanë kanë lënë Izraelin që nga fillimi i konfliktit. Gjatë ditëve të fundit, Departamenti i Shtetit ka ndihmuar më shumë se 130 qytetarë amerikanë të largohen nga Izraeli, me një 100 qytetarë amerikanë të tjerë pritet të largohen sot,” tha zyrtari në një deklaratë.

Sipas DASH, qytetarët amerikanë që kanë nevojë për ndihmë duhet të telefonojnë në numrin +1-202-501-4444 dhe të regjistrohen në Programin e Regjistrimit të Udhëtarëve të Zgjuar të Departamentit të Shtetit (Smart Traveler Enrollment Program) për të marrë përditësime”, bëri të ditur Departamenti Amerikan.

Ndërkaq, një ditë më parë SHBA-ja u bëri thirrje amerikanëve të largohen menjëherë nga më shumë se një duzinë vendesh në rajon, duke i nxitur të përdorin mjete të ndryshme për ta bërë këtë, edhe pse pjesa më e madhe e hapësirës ajrore është mbyllur.

Konflikti në Lindjen e Mesme vijon, ku SHBA-ja ka nxitur evakuim urgjent nga shumë vende (përfshirë Izraelin) për shkak të rreziqeve të sigurisë, por pa ofruar fluturime evakuimi – duke u mbështetur kryesisht në opsione komerciale ose rrugë alternative si Egjipti.

/rtsh.al/