SHIFRAT/ Në 3 muaj u rrit importi i karburanteve! Më shumë cigare, më pak birrë dhe kafe

Importi i mallrave të akcizës ka nisur vitin 2026 me ritme të forta, duke treguar se konsumi në ekonomi mbetet i lartë, pavarësisht kostove më të shtrenjta për qytetarët.

Të dhënat e doganave tregojnë se në vetëm tre muajt e parë të vitit janë importuar mbi 155 mijë ton karburante. Krahasuar me të njëjtën periudhë të vitit të kaluar, kemi një rritje me rreth 1.5%.

IMPORTI I KARBURANTEVE JANAR–MARS

2025                    155 mijë tonë
2026                    156 mijë tonë

+1.5%

Karburantet vijojnë të mbajnë peshën më të madhe tek mallrat e akcizës, çka lidhet drejtpërdrejt me transportin, biznesin dhe rritjen e lëvizjes ekonomike.

Ndërkohë, rritje shfaqin edhe cigaret. Importi për tremujorin e parë arriti në 735 ton, rreth 7% më shumë krahasuar me një vit më parë.

IMPORTI I CIGAREVE

2025                    698 tonë
2026                    735 tonë
+7%

Ekspertët e lidhin këtë ecuri me rritjen e konsumit, por edhe me furnizimin paraprak të tregtarëve përpara ndryshimeve të mundshme fiskale.

Ndryshe paraqitet situata për birrën dhe kafenë. Importi i birrës ra me afro 10% në tremujorin e parë, ndërsa kafja shënoi tkurrje më të lehtë.

NDRYSHIMI JANAR–MARS 2026

Karburante          +1.5%
Cigare                            +7%
Birrë                              -10%
Kafe                               -4%

Rënia tek produktet e konsumit lidhet me çmimet më të larta dhe ndryshimin e sjelljes së konsumatorëve, sidomos tek produktet jo bazë.

Në total, të dhënat tregojnë se ekonomia po mban të lartë kërkesën për mallrat e akcizës, ndërsa importet mbeten një tregues i drejtpërdrejtë i konsumit në vend.