SOFT NEWS – Rrugët e luksit të shfrenuar
MILANO, 20 nëntor /ATSH/ – Shumë qytete të botës janë në garë për luksin e shfrenuar që mbizotëron në dyqanet e tyre, shkruan ilmessaggero.it.
Milano, kryeqyteti i modës, është një prej këtyre, ku ”Via Montenapoleone” është tani rruga më e shtrenjtë e blerjeve luksoze në planet.
Edhe ”Upper 5th Avenue” në Nju Jork duhet të ”përkulet” para 20 000 eurove të kërkuara për çdo metër katror të rrugës magjepsëse.
Këto të dhëna financiare u nxorën nga raporti i 34 i ”Main Streets Across the World nga Cushman & Wakefield”, i cili sapo ka publikuar të dhëna për 138 vende në të gjithë globin.
Një triumf italian, pasi për herë të parë në fakt një qytet evropian dominon renditjen botërore.
Milano nuk është i kënaqur të jetë kryeqyteti i modës: tani është edhe kryeqyteti i luksit.
Me pak fjalë, dyqanet e modës së lartë që nxjerrin në pah dritat vezulluese janë më shumë se kurrë sinonim i një investimi që zbraz portofolin tuaj.
Por, jo vetëm Milano, ja renditja:
- ”Via Montenapoleone”, Milano, Itali
- ”Fifth Avenue”, Nju Jork, Shtetet e Bashkuara
- ”New Bond Street”, Londër, Mbretëria e Bashkuar
- ”Tsim Sha Tsui”, Hong Kong, Kinë
- ”Avenue des Champs-Élysées”, Paris, Francë
- ”Ginza”, Tokio, Japoni
- ”Pitt Street Mall” Sidnej, Australi
- ”Myeongdong”, Seul, Koreja e Jugut
- ”Bahnhofstrasse”, Cyrih, Zvicër
- ”Kohlmarkt”, Vjenë, Austri. /os/