SPANJË – PE rizgjedh politikanin gjerman, Manfred Weber si kreun e PPE-së
MADRID, 29 prill /ATSH-DPA/- Delegatët nga Partia Popullore Evropiane (PPE) e qendrës së djathtë u mblodhën sot në një konferencë në Spanjë.
PPE, grupimi kryesor konservator dhe fraksioni më i fortë në Parlamentin Evropian, rizgjodhi politikanin gjerman, Manfred Weber si kryetar në konferencën dyditore, në Valencia.
Weber mori 502 nga 563 votat e vlefshme – që do të thotë se 61 delegatë votuan kundër tij. Në total, ai kishte 89% të votave.
Weber, nga partia e Unioni Kristiansocial (CSU) të Bavarisë – një partnere koalicioni në qeverinë e koalicionit gjerman – që pritet të zgjidhet brenda një jave – u tha pjesëmarrësve se PPE-ja ka një rol udhëheqës në luftën kundër partive populiste, në mbështetjen për Ukrainën dhe në forcimin e ekonomisë sociale të tregut kundër vendeve me forma autoritare të qeverisjes.
“Detyra më e rëndësishme e brezit tonë dhe e të gjithë politikanëve kryesorë, është një politikë e përbashkët mbrojtëse dhe e jashtme”, tha Weber, duke iu referuar luftës së Rusisë kundër Ukrainës dhe mbështetjes në rënie për Kievin nga Uashingtoni.
Presidentja e Komisionit Evropian, Ursula von der Leyen, një anëtare e partisë simotër të CSU-së, Unionit Kristiandemokrat – i cili është gjithashtu pjesë e PPE-së – mori pjesë në konferencën e partisë, e cila u zhvillua pasi energjia elektrike u rikthye – kryesisht në Spanjë dhe Portugali – pas një ndërprerjeje masive, shkaku i së cilës mbetet i paqartë.
Takimi do të përfundojë nesër me vendime mbi reformat e brendshme të partisë. //a.i/