Seanca konstituive e Kuvendit të Kosovës më 6 gusht, Haxhiu apelon për marrëveshje politike

Albulena Haxhiu, ushtruesja e Detyrës së Presidentes së Kosovës, ka bërë të ditur se më 6 gusht, në orën 10:00, do të mbahet seanca konstituive e Kuvendit të Kosovës.

Haxhiu u ka bërë thirrje partive politike që të intensifikojnë diskutimet për arritjen e një marrëveshje, në mënyrë që të hapet rruga për formimin e institucioneve.

Ajo theksoi se lidhja kushtetuese ndërmjet konstituimit të Kuvendit dhe zgjedhjes së presidentit e ka bërë të kujdesshme në marrjen e vendimit për thirrjen e seancës.

“Duke qenë se ende nuk ekziston një dakordim politik për çështjen e presidentit, kam vendosur që të mos e thërras me ngut seancën konstituive, por të shfrytëzoj afatin për t’u krijuar partive politike hapësirën e nevojshme. Seanca konstituive do të mbahet më 6 gusht në orën 10:00. Deri atëherë mbetet detyrim i subjekteve politike që të vazhdojnë dialogun,” u shpreh Haxhiu.

Ajo nënvizoi se shkuarja në zgjedhje duhet të evitohet, duke i ftuar partitë të tregojnë përgjegjësi politike dhe institucionale.

/rtsh.al/