Sezoni turistik, forcohet leku në raport me monedhat e huaja
TIRANË, 10 korrik /ATSH/ Sezoni i mbarë turistik vijon të forcojë pozitat e monedhës vendase në raport me valutat.
Në tregun e këmbimit valutor vendas, të enjten leku fitoi terren ndaj monedhave të huaja krahasuar me një ditë më parë.
Sipas kursit të këmbimit valutor vendas, euroja u zhvlerësua me 0,02 lekë dhe këmbehet me 97,91 lekë.
Dollari amerikan këmbehet me 83,45 lekë ose 0,17 lekë më pak krahasuar me ditën e mërkurë.
Ndërsa franga zvicerane këmbehet me 105,05 lekë, ose 0,05 lekë më pak dhe paundi britanik u zhvlerësua me 0,11 lekë dhe këmbehet me 113,55 lekë.
Aktorët e tregut mendojnë se, dobësimi i valutave kundrejt lekut tashmë po nxitet kryesisht nga sezoni. Sipas tyre, në ditët e pikut të sezonit turistik ka një rënie të ngadaltë, por të qëndrueshme të kursit, të lidhur kryesisht me shtimin e prurjeve valutore nga turistët e huaj.
| Monedha kryesore | Lekë për njësi të monedhës së huaj | |||
|---|---|---|---|---|
| Dollar Amerikan | USD | 83.45 | -0.17 | |
| Euro | EUR | 97.91 | -0.02 | |
| Poundi Britanik | GBP | 113.55 | -0.11 | |
| Franga Zvicerane | CHF | 105.05 | -0.05 | |
| Jeni Japonez (100) | JPY | 57.05 | +0.02 | |
| Dollari Australian | AUD | 54.74 | +0.14 | |
| Dollari Kanadez | CAD | 61.03 | -0.07 | |
| Korona Suedeze | SEK | 8.78 | -0.01 | |
| Korona Norvegjeze | NOK | 8.30 | +0.02 | |
| Korona Daneze | DKK | 13.12 | -0.01 | |
| SDR | SDR | 114.34 | -0.34 | |
| Ari (OZ 1) | XAU | 277442.88 | +2,435.93 | |
| Argjendi (OZ 1) | XAG | 3050.10 | -7.88 | |
| Juani Kinez (onshore) | CNY | 11.63 | -0.02 | |
| Juani Kinez (offshore) | CNH | 11.62 | -0.02 | |
| Lira Turke | TRY | 2.09 | 0.00 | |
/e.xh//r.e//a.f/