Shëngjin/ Motoambulanca për pushuesit, shërbim i ri urgjencë në plazh

Gjatë sezonit turistik  në Shëngjin  ndihma mjekësore në raste urgjente  përveç autoambulancave po ofrohet dhe me motoambulanca.

Motorët përdoren për të mbërritur më shpejt në vendngjarje në zona ku makina kalon me vështirësi apo trafiku është i rënduar.

Motoambulanca sipas koordinatorit të urgjencës në spitalin e Lezhës është e pajisur me të gjitha mjetet për të ofruar ndihmën e parë.

Vetëm javët e para të sezonit veror pranë shërbimit të urgjencës kanë mbërritur mbi 1 mijë thirrje për ndihmë nga pushues dhe  banorë në Shëngjin.

/abcnews.al/