Shkodra lëkundet nga tërmeti 3.7 Rihter, IGJEUM raporton aktivitet edhe në jug të vendit

Qarku i Shkodrës është lëkundur këtë paradite nga disa tërmete me magnitudë mesatare.

Sipas Institutit të Gjeoshkencave, Energjisë, Ujit dhe Mjedisit (IGJEUM), dy lëkundje me magnitudë 3.7 të shkallës Rihter u regjistruan në zonën e Shkrelit, në orën 13:13 dhe 13:30, me thellësi respektivisht 5 dhe 15 kilometra.

Sipas raportimeve të IGJEUM, pas lëkundjeve në Shkodër është regjistruar aktivitet sizmik edhe në jug të vendit.

Një tërmet u ndje në Konispol, pranë kufirit me Greqinë, ndërsa një tjetër me magnitudë 4.0 të shkallës Rihter u shënua në Detin Jon, rreth 148 kilometra në jugperëndim të Konispolit, me një thellësi prej 15 kilometrash.

/rtsh.al/