Taulant Balla takim me filantropin bullgar Milen Vrabevski, fokus te bashkëpunimi rajonal
Kryetari i grupit parlamentar të Partisë Socialiste, Taulant Balla, zhvilloi sot një takim me filantropin bullgar dhe themeluesin e Bulgarian Memory Foundation, Milen Vrabevski.
Përmes një postimi në rrjetet sociale, Balla bëri të ditur se gjatë takimit u diskutua mbi rëndësinë e iniciativave kulturore, arsimore dhe rinore në forcimin e bashkëpunimit rajonal dhe ndërtimin e urave të mirëkuptimit mes vendeve të Ballkanit.
”Mirëprita Milen Vrabevski, filantrop dhe themelues i Bulgarian Memory Foundation, një personalitet i njohur për angazhimin e tij në mbështetje të të rinjve, kulturës dhe bashkëpunimit rajonal. Vlerësuam rolin që kanë iniciativat kulturore, arsimore dhe rinore në ndërtimin e urave të mirëkuptimit dhe bashkëpunimit në rajonin tonë”, shkruan Balla.
/rtsh.al/