Të shpëtojë kush të mundë/ “Luftë” e fortë për mbijetesën, Partizani rrezikon “final four”

Për titullin kampion ka kohë. Por një tjetër garë e çmendur në javët e fundit të sezonit të rregullt në Kategorinë Superiore luhet për mbijetesën.

Asnjë parashikim, sidomos pas ndeshjve të javës së

33, që e kanë kthyer në një triller të vërtetë këtë fund sezoni.

Pas fitores së Tiranës më derbi dhe atyre të Skënderbeut dhe Bylis të dielën situata në fundin e klasifikimit nuk jep referenca, ndërsa deri në fund gjithçka mund të ndodhë.

Nga Skënderbeu i vendit të gjashë deri te Laci i vendit të fundit diferenca është vetëm katër pikë.

Por java e 34-rt, e cila do të luhet të shtunën mund të thotë shumë në këtë garë, pasi në program janë dy përballje të drejtpërdrejta.

Tirana do të luajë në transfertën e Korçës kundër Skënderbeut, ndërsa Teuta do të presë në shtëpi Laçin.

Humbja mund të rezultonte fatale për secilën skuadër.

Po ashtu humbja e Partizanit në derbi dhe fitorja e AF Elbasanit në fushën e Egnatia ka hapur garën për vendin e katërt, që jep biletën e fundit për në “finalet” e titullit kampion. Me Egnatian, Dinamo Siti dhe Vllazninë si kryesuese, për momentin Partizani plotëson “final four”, por skuadra nga Elbasani ka vetëm një pikë më pak.