Trump flet në OKB: Njohja e shtetit palestinez, shpërblim për Hamasin
Presidenti amerikan Donald Trump ka deklaruar se njohja e shtetit palestinez është shpërblim për Hamasin.
Duke folur nga foltorja e Kombeve të Bashkuara, Trump tha se ai ka qenë i përfshirë në përpjekjen për të marrë një armëpushim në Gazë dhe se palët negociuese “duhet të bëjnë të njëjtën gjë”.
Ai solli në vëmendje faktin se disa vende të fuqishme kanë njohur ditët e fundit shtetin palestinez gjë të cilën ai e ka cilësuar si “shpërblim” për mizoritë e Hamasit.
Trump theksoi më tej se Hamasi duhet të lirojë pengjet tani.
Presidenti amerikan foli edhe për programin bërthamor të Iranit. Sipas tij, rreziku më serioz për planetin sot janë armët më shkatërruese të njohura për njeriun.
Ai tha se Irani, të cilin e quan “sponsorin e terrorizmit” kryesor në botë, nuk mund të lejohet të zotërojë armën më të rrezikshme, një referencë për programin bërthamor të vendit.
Trump më pas përshkroi se si ai urdhëroi sulmin ndaj objektit kryesor bërthamor të Iranit në fillim të këtij viti.
/rtsh.al/