Trump mesazh Iranit: Boll! Rikthehuni në negociata
Presidenti i SHBA-ve, Donald Trump, i ka bërë thirrje Iranit të rikthehet në tryezën e negociatave pasi ky i fundit lëshoi raketa drejt veriut të Izraelit.
Duke folur për rrjetin amerikan Fox News, Trump përcolli një mesazh për Iranin.
“I keni lëshuar raketat tuaja. Kaq mjafton. Boll! Kthehuni në tryezën e negociatave dhe arrini një marrëveshje. Do të kisha thënë se marrëveshja do të nënshkruhej të hënën, të martën ose të mërkurën, dhe tani ndodh kjo”, tha presidenti amerikan.
“Forcat e armatosura amerikane janë në gjendje gatishmërie”, shtoi ai.