U dënua me 25 vite burg për vrasjen e Santiago Malkos, Gjykata e Lartë prish vendimin për Bledi Tetën, kthen dosjen për gjykim
Gjykata e lartë ka prishur vendimin e Gjykatës së Posaçme të Apelit për Blendi Tetën dhe ka kthyer dosjen për rigjykim në Apel më një tjetër trupë gjykuese.
Blendi Teta u dënua nga Apeli i Posaçëm me 25 vite burg në vitin 2022 pasi akuzohet për vrasjen e ish-efektivit të policisë, Santiago Malko.
Malko u ekzekutua në Tiranë më 28 gusht të 2019. Teta u dënua për akuzën e vrasjes me paramendim.
Blendi Teta dyshohet se ka mbajtur nën vëzhgim viktimën, duke pasur komunikim me ekzekutorët.
Ai gjithashtu është kapur nga kamerat e sigurisë duke mbledhur bishtat e cigareve në vendngjarje për të mos implikuar veten dhe të gjithë bashkëpunëtorët e tjerë në krim.
Santiago Malko u ekzekutua me breshëri plumbash teksa ishte duke lëvizur me automjetin e tij në zonën e Freskut në Tiranë./vizionplus.tv