U plagos me thikë nga bashkëshorti, 28-vjeçarja dërgohet me helikopter drejt Traumës/ EMRAT

30-vjeçari Renato Xhaja dyshohet se gjatë një konflikti në banesë ka plagosur me thikë bashkëshorten e tij, Bleona Xhaja, 28 vjeçe. Ngjarja ndodhi rreth orës 13:30 në lagjen nr. 4 të Pogradecit.

Për shkak të gjendjes së saj shëndetësore, 28-vjeçarja po transportohet me urgjencë drejt Spitalit të Traumës në Tiranë me helikopter për mjekim të specializuar.

Menjëherë pas njoftimit, shërbimet e Policisë kanë ndërhyrë duke shoqëruar 30-vjeçarin në Komisariatin e Policisë Pogradec, ndërsa ndaj tij po kryhen veprimet procedurale.

Sipas informacioneve paraprake, çifti jeton në Greqi dhe kishte ardhur për pushime pranë familjarëve të tyre në Pogradec.