“U qëllova nga një gjuetar”, 44-vjeçari nga Saranda shkon në spital i plagosur me armë

Një 44-vjeçar është plagosur me armë në orët e para të mëngjesit të sotëm në Sarandë.

Policia njofton se rreth orës 03:45, është paraqitur në spitalin e Sarandës shtetasi S. H., 44 vjeç, banues në fshatin Markat, i dyshuar i dëmtuar me armë gjahu në këmbë.

Fatmirësisht ai ndodhet jashtë rrezikut për jetën.

Ky shtetas ka deklaruar se është qëlluar aksidentalisht në këmbë nga një gjuetar i paidentifikuar, në zonën ndërmjet fshatrave Shalës–Vagalat, Bashkia Konispol.

Nga verifikimet 44-vjeçari rezulton i shpallur në kërkim për veprën penale “Keqtrajtim i të miturve”.

Grupi hetimor vijon punën për sqarimin e plotë të rrethanave të ngjarjes, identifikimin e personave të tjerë të mundshëm të përfshirë, si dhe për verifikimin e deklarimeve të dhëna nga ky shtetas./vizionplus.tv