U vranë në sulmin e 7 tetorit, ushtria izraelite gjen në Gaza 3 trupat e pengjeve

Trupat e tre pengjeve të marra nga Hamasi janë gjetur në veri të Gazës, ka deklaruar ushtria izraelite. Të tre u vranë më 7 tetor pranë kufirit të Izraelit me Gazën dhe trupat e tyre u dërguan në enklavë nga Hamasi, sipas ushtrisë. Tre viktimat u identifikuan si Hanan Yablonka, Michel Nisenbaum dhe Orion Hernandez.

Izraeli nisi luftën e tij në Gaza pas sulmeve të 7 tetorit të udhëhequr nga Hamasi në Izraelin jugor, ku grupi militant vrau rreth 1200 njerëz dhe rrëmbeu më shumë se 250 njerëz. Hamasi ka ende 121 pengje që u rrëmbyen më 7 tetor në Gaza.

Sulmet izraelite në Gaza kanë vrarë të paktën 35.800 palestinezë, sipas Ministrisë së Shëndetësisë atje./CNN

/rtsh.al/