UEFA Women’s Europa Cup, Vllaznia dhe Partizani mësojnë kundërshtaret

TIRANË, 31 gusht /ATSH/ UEFA Women’s Europa Cup është kompeticioni më i ri në futbollin e vajzave që zhvillohet për herë të parë në historinë e këtij sporti.

Sot është hedhur shorti për raundin e parë kualifikues të këtij aktiviteti, ku dy skuadrat shqiptare, Vllaznia dhe Partizani, kanë mësuar kundërshtaret e tyre në këtë fazë.

Vllaznia, që ishte në vazon e favoriteve, do të përballet me skuadrën ukrainase FC Kolos Kovalivka. Ndërsa Partizani do të ketë përballë ekipin serb ŽFK Spartak Subotica.

Ndeshjet e raundit të parë kualifikues do të luhen me sistem vajtje–ardhje. Takimet e para janë programuar më 10/11 shtator, ndërsa ndeshjet e kthimit më 17/18 shtator.

Federata e Futbollit u uron shumë suksese dy skuadrave shqiptare në rrugëtimin e tyre europian në këtë kompeticion të ri për futbollin e vajzave.

UEFA Women’s Europa Cup 1 nga 2